काठमाडौं । सेयर बजार लगातार ओरालो लागेपछि असन्तुष्ट लगानीकर्ताहरूले नेपाल धितोपत्र बोर्ड (सेबोन)को केन्द्रीय कार्यालय घेराउ गरेका छन्।
सेयर लगानीकर्ता तिलक कोइरालाको नेतृत्वमा मंगलबार बिहान लगानीकर्ताहरू ललितपुरको खुमलटारस्थित बोर्ड कार्यालय पुगेका हुन्। उनीहरूले बजारको निरन्तर गिरावटप्रति चिन्ता व्यक्त गर्दै सम्बन्धित निकायको ध्यानाकर्षण गराएका छन्।
यसअघि सोमबार नेपाल स्टक एक्सचेन्ज (नेप्से) परिसूचक ३०.६० अंकले घटेर २,५७० बिन्दुमा झरेपछि लगानीकर्ताको असन्तुष्टि थप चुलिएको हो।
काठमाडौँ । राष्ट्रिय परिचयपत्र तथा पञ्जीकरण विभागले बालबालिकाको नाममा सञ्चालन हुने सेयर तथा अन्य वित्तीय सेवामा राष्ट्रिय परिचय नम्बर अनिवार्य गर्ने व्यवस्थामा सहजीकरण गर्न नेपाल राष्ट्र बैंकलाई आग्रह गरेको छ। सबै नाबालिगले हालसम्म राष्ट्रिय परिचय नम्बर प्राप्त नगरेकाले सेवाग्राहीले अनावश्यक झन्झट बेहोर्नुपरेको गुनासो आएपछि विभागले यस्तो पहल गरेको हो।
विभागका अनुसार बैंक तथा वित्तीय संस्थाले डिम्याट खाता खोल्ने, सेयर कारोबार तथा अन्य वित्तीय सेवा लिँदा राष्ट्रिय परिचय नम्बर अनिवार्य रूपमा माग्न थालेपछि धेरै अभिभावक समस्यामा परेका छन्। यसलाई ध्यानमा राख्दै बालबालिकाको हकमा तत्काल कडाइ नगर्न राष्ट्र बैंकमार्फत सम्बन्धित निकायलाई अनुरोध गरिएको हो।
राष्ट्रिय परिचयपत्र तथा पञ्जीकरण ऐन, २०७६ र नियमावली, २०७७ मा नाबालिगले ‘नाबालक राष्ट्रिय परिचयपत्र’ प्राप्त गर्न सक्ने व्यवस्था भए पनि यो प्रणाली अझै पूर्ण रूपमा कार्यान्वयनमा आइसकेको छैन। यद्यपि, २०८० फागुन २७ गतेदेखि १६ वर्षमुनिका बालबालिकाको जन्मदर्तासँगै राष्ट्रिय परिचय नम्बर उपलब्ध गराउने व्यवस्था सुरु गरिएको थियो।
विभागले आफ्नो पत्रको बोधार्थ नेपाल धितोपत्र बोर्ड (सेबोन) लाई पनि पठाएको छ। यसबाट नाबालिगका डिम्याट खाता खोल्ने र सेयर कारोबारका क्रममा देखिएका व्यावहारिक समस्या समाधान हुने अपेक्षा गरिएको छ।
काठमाडौं, २९ असार । विश्वकपमा सबैभन्दा बढी समय अर्थात मिनेट खेलेको कीर्तिमान कसको नाममा छ ? भन्ने धेरेको जिज्ञासा रहेको छ।
विश्वकपमा सर्वाधिक गोलको कीर्तिमानका साथै मेस्सी विश्वकपमा सबैभन्दा बढी समय खेलेको कीर्तिमानका धनी खेलाडी पनि हुन्।
आठ पटकका ‘बालोन डि ओर’विजेता मेस्सीले ३२ विश्वकप खेलहरूमा कुल २,८४४ मिनेट खेलेका छन्। यो संख्या त्यस पछिको दोस्रो स्थानमा रहेका इटालीका पूर्व डिफेन्डर पाओलो माल्दिनी (सन् १९९४ का उपविजेता) को तुलनामा ६२८ मिनेट बढी हो।
पोर्चुगलका स्ट्राइकर क्रिस्टियानो रोनाल्डो २,२०६ मिनेटका साथ तेस्रो स्थानमा छन् भने जर्मनीका गोलकिपर म्यानुएल नोयर २,१६० मिनेटका साथ चौथो स्थानमा छन्।
सन् १९९० मा विश्वकप र ‘बालोन डी ओर’ जितेका जर्मनीका महान मिडफिल्डर लोथर माथाउस २ हजार भन्दा बढी मिनेट विश्वकप खेलेका अर्का एक मात्र खेलाडी हुन्, उनले २०४५ मिनेट खेलेका छन्।
सन् १९५४ देखि १९७० सम्म पश्चिम जर्मनीका लागि खेलेका स्ट्राइकर उवे सिलर १,९८० मिनेटको खेलसहित सूचीको छैटौं स्थानमा छन्। क्रोएसियाका मिड फिल्डर तथा ‘बालोन डी ओर’ विजेता लुका मोड्रिच १,९६७ मिनेटसहित यसै गर्मीमा सातौं स्थानमा उक्लिएका छन्।
अर्जेन्टिनाका पूर्व अन्तर्राष्ट्रिय खेलाडीहरू जाभियर मास्चेरानो १ हजार ९५० मिनेट र डिएगो म्याराडोना १ हजार ९४० मिनेट खेलेर क्रमशः आठौं र नवौं स्थानमा छन्, जबकि बेल्जियमका गोलकिपर थिबाउट कोर्टुआ १ हजार ९३१ मिनेट खेलेर शीर्ष १० को सूचीमा रहेका छन ।
काठमाडौँ । नेपाली बजारमा आज पनि सुन तथा चाँदीको मूल्यमा गिरावट आएको छ। लगातार दोस्रो दिन मूल्य घटेसँगै सुन प्रतितोला २ लाख ८४ हजार रुपैयाँमा कारोबार हुने भएको छ।
नेपाल सुनचाँदी व्यवसायी महासंघका अनुसार छापावाल सुनको मूल्य अघिल्लो कारोबार दिनको तुलनामा प्रतितोला १ हजार २०० रुपैयाँले घटेको हो। सोमबार प्रतितोला २ लाख ८५ हजार २०० रुपैयाँ कायम रहेको सुनको मूल्य मंगलबार घटेर २ लाख ८४ हजार रुपैयाँमा झरेको महासंघले जनाएको छ। आज १० ग्राम सुनको मूल्य २ लाख ४३ हजार ४८५ रुपैयाँ निर्धारण गरिएको छ।
यस्तै, चाँदीको मूल्यमा पनि सामान्य गिरावट देखिएको छ। आज चाँदी प्रतितोला १५ रुपैयाँले सस्तिँदै ४ हजार ३६० रुपैयाँमा कारोबार हुने भएको छ।
अन्तर्राष्ट्रिय बजारमा सुनको मूल्यमा आएको उतारचढाव र अमेरिकी डलरको विनिमयदरको प्रभावका कारण स्वदेशी बजारमा पनि दैनिक रूपमा मूल्य समायोजन हुने गरेको व्यवसायीहरू बताउँछन्। पछिल्ला दिनमा सुनको मूल्य घटेपछि खरिद गर्न चाहने उपभोक्तामा केही उत्साह देखिए पनि बजारमा कारोबार भने अपेक्षाकृत सामान्य रहेको जनाइएको छ।
काठमाडौं, ३० असार । प्रतिनिधि सभा बैठकमा प्रतिपक्ष दलले आज पनि बिरोध जनाएका छन् ।
प्रतिनिधिसभाको बैठक सुरू हुना साथ उठेर उनीहरूले बिरोध जनाएका हुन।
प्रमुख प्रतिपक्ष नेपाली कांग्रेस, नेकपा एमाले, नेकपा, श्रम संस्कृति पार्टी र राप्रपाले निरन्तर बिरोध जनाउने क्रममा आज पनि उठेर बिरोध दिएका हुन् ।
गत जेठ १७ गते प्रतिनिधिसभाको बैठकमा प्रधानमन्त्री बालेन्द्र शाहले ‘नेपालले पनि भारतीय सिमा मिचेको छ’ भन्ने बिबादस्पद अभिब्यक्तिको जवाफ नदिएको भन्दै उनीहरूले निरन्तर बिरोध जनाउँदै आएका छन ।
सोही क्रममा एमाले सांसद गणेश ठगुन्नाले सो को जवाफ प्रतिपक्ष दलले खोजिरहेको बताएका हुन । उनीहरूले प्रधानमन्त्री शाहले माफी माग्नु पर्ने र संसदको रेकर्डवाट हटाउनु पर्ने प्रतिपक्षको माग यथावत रहेको जनाएका छन् ।
काठमाडौं, ३० असार। मिडिया हाउस र प्रतिपक्ष दलका नेताहरूको निवास अगाडी शंकास्पद रूपमा राखिएको गाडीको बिषयमा आज संसदमा कुरा उठेको छ ।
कान्तिपुर, अनलाइन खबर र हिमालय टेलिभजन तथा नेपाली कांग्रेसका सभापति गगन थापाको निवास अगाडी अनधिकृत गाडी पार्किङ गरिएको बिषयमा संसदमा प्रश्न उठेको हो ।
आज संसदमा बैठकमा बोल्दै नेकपा एमालेका सांसद गणेश ठगुन्ना र नेकपाका सांसद रमेश मल्लले सो बिषयमा प्रश्न उठाइयो ।
एमाले सांसद गणेश सिंह ठगुन्नाले मिडिया क्षेत्र र राजनीतिक नेतृत्वको निवास तथा कार्यालय अगाडि मानसिक त्रास फैलाउने कार्य भएको भन्दै विरोध गरेका छन । ‘पञ्चायती शैलीमा जसरी बिरोधी सिध्याउनका लागि काम गर्दथ्यो, सोही शैलीमा गाडी राखेर मानसिक त्रास दिलाउनु काम निन्दनिय रहेको छ’ उनले भने ।
उता, नेकपाका सांसद मल्लले राज्य संरक्षित रूपमा न्युरोडमा जाम गराउने र मिडिया हाउसको मुलढोकामा जबर्जस्ती सवारी साधान गराउने काम भइरहेको आरोप लगाइएको छ । ‘राज्य संरक्षित ब्यक्तिहरू नै सवारी साधान लगेर छाडेको देखियो, अहिले तीनीहरूलाई ५०० जरिवाना तिराएर छोडाउने कुरा भएको छ, यो गर्न पाइदैन्,’ उनले भने, ‘हजारौं जरिवाना तिराएर गाडी जफत गर्नु पर्छ र उनीहरूलाइ कारबाही गर्नुपर्छ । ’
काठमाडौं, ३० असार। नेपाली कांग्रेसका प्रमुख सचेतक निश्कल राईले प्रधानमन्त्री बालेन्द्र शाहलाई ‘श्री ८ महाराज’ को संज्ञा दिएका छन् ।
मुलुकमा राज्य आतंक बढेको तर त्यसको जवाफ नदिएको भन्दै उनले जारी प्रतिनिधिसभा बैठकमा उनले बिरोध पनि जनाएका छन।
‘सुरक्षा घेरा भित्र लुकेर हिँड्ने अनाधिकृत पात्रहरूको आतंक बढ्दै गएको छ, सरकार निरंकुश बन्दै गएको छ, सायद सत्ता उन्मादले हुनुपर्छ,’ उनले भने, ‘जवाफ दिनु भन्दा पनि सत्तापक्षका सांसदहरूको मुखमा टेप लागेको छ।’
मुगुका गणेश नेपालीले रोजेको बाटोबारे चौतर्फी प्रश्न उठेपछि सरकारमाथि प्रश्न गर्दा ‘प्रश्न सोध्ने तँ को होस् ?’ भन्ने शैलीमा राज्य आतंक सिर्जना गर्ने काम भएको उनको आरोप छ ।
उनले सुरक्षाघेरा भित्रका एक गैरकानुनी व्यक्तिले सुकुम्बासी होल्डिङ सेन्टरमा बसेका नागरिकलाई थर्काउने काम गरिरहेको जनाउँदै होल्डिङ सेन्टर, गणेश नेपालीको घटना र गाडी तेर्स्याउने प्रकरणबारे सरकार र सम्बन्धित मन्त्रीले जवाफ दिनुपर्ने उनको माग रहेको छ ।
हिरण्यकशपले पनि कुनै बेला राज्य मै हुँ भन्ने शैलीमा प्रधानमन्त्रीले ‘श्री ८ महाराज’ शैलीमा काम गरेकाे उनले जिकिर गरेका छन् ।
